သံတံတားကြီး(၁)

0
172

“သံတံတားကြီး” …. ဟုတ်တယ်….၊ ဒီ အသုံးအနှုန်းကို သုံးမယ်ဆိုရင် အခြားလူတွေအတွက် ဘာမှထူးခြားမှာ မဟုတ်ဘူး။ ယင်းမာ ပင်က ထွက်လာတဲ့ သူတွေအတွက်တော့ (အထူးသဖြင့် ယောက်ျားလေးတွေအတွက်…ပိုပြီး) အမှတ်ရစရာ နေရာလေး အဖြစ် ရှိနေပါလိမ့်မယ်။ ဘာဖြစ်လို့လဲဆိုတော့ ကျွန်တော်တို့ယင်းမာပင်မြို့ကလေးအတွက် လူငယ်တွေတွေ့ဆုံရာနေရာလေး ဖြစ်နေ လို့ပါပဲ။ ဒီသံတံတားကြီးရဲ့ တည်နေရာကတော့ အရင်က….မြို့အရှေ့ဖက်ပိုင်းမှာလို့ ပြောရမှာဖြစ်ပေမယ့် အခုချိန်မှာတော့ မြို့လယ်ခေါင်ထဲကို ရောက်နေပြီ ဖြစ်ပါတယ်။

ဟိုး… အရင်ကတော့ သစ်သားတံတားကြီးအဖြစ် အရင်ရှိခဲ့တာဖြစ်ပြီး …. နောက်ပိုင်းမှာ အဲဒီသစ်သားတံတားကြီး ပျက်သွားခဲ့ပါ တယ်။ ဂျပန်တပ်တွေနဲ့ အင်္ဂလိပ်တပ်တွေ စစ်ဖြစ်ရင်း ပျက်စီးသွားတယ်လို့ လူကြီးပြောတာကြားဖူးပါတယ်။ သေချာတော့ မသိပါ၊ ဒါပေမယ့် အရင်သစ်သားတံတားဟောင်းကြီးရဲ့ တံတားတိုင် ငုတ်တိုတွေကို ကျွန်တော်တို့ကလေးဘ၀ အချိန်အထိ တွေ့မြင်နေရ တုန်းပါပဲ။ အခုတော့ ရှိသေးလား မသိတော့ပါ။

ကျွန်တော်တို့ မွေးဖွားလာချိန်မှာတော့ အခုမြင်နေရတဲ့ သံတံတားကြီးကို ဆောက်လုပ်ပြီးသွားပါပြီး၊ သံတံတားကြီး ဘောင်ပေါ် က ရေးသားထားတဲ့ စာသားအရ (1915) ခုနှစ်က တည်ဆောက်ခဲ့တာလို့ သိရပါတယ်။ ခု (၂၀၀၉) ဆိုရင်… နှစ်ပေါင်း (၉၄) နှစ်တောင် သက်တမ်းရှိသွားပါပြီ။ ငယ်ငယ်တုန်းကတော့ ကျောင်းသွားရင် တံတားကြီးအလယ်မှာ သွားရပ်နေပြီး ကုန်တင် ကားတွေ ဖြတ် မောင်းတာကို စောင့်ရတာသဘောကျခဲ့ပါတယ်။ ဘာဖြစ်လို့လဲဆိုတော့ ကားကြီးတွေဖြတ်ရင် တံတားကြီးက နည်းနည်း တုန်,တုန် သွားတယ်လေ…။ အခုဆို ပိုတောင်တုန်မယ် ထင်ပါတယ်။

P & W.MACLELLANLM
BURMA PROV.P.W.D
CONSTRIST NO.R6872
1915
CLUTHAWORKS.CLASSCON

ဓါတ်ပုံထဲကစာသားကို မှန်းပြီးရေးပေးထားတာမို့ သေချာပေါက် မှန်လိမ်မယ်လို့တော့ မပြောနိုင်ပါ။ ဓါတ်ပုံလေးကိုလည်းတင်ပေး လိုက်ပါတယ်၊ တစ်ချက်ကြည့်လိုက်ပါ။ ဒါ မြို့လယ်ခေါင် သံတံတားကြီးပေါ်က စာသားလေးတွေကို ရိုက်ကူးထားတဲ့ပုံ ဖြစ်ပါတယ်။