Mindblown: a blog about philosophy.

ဒီဘက်ကအမြင် ဆိုရင်တော့ သူတို့ ရှေ့ဆက်ပြီး ဒီလုပ်ငန်းကြီးအောင်မြင်သွားမယ်ရင်တော့ ကျန်းမာရေးကို ထိခိုက်တာပ။ ဘာလို့ဆို အက်စစ်တွေဘာတွေနဲ့ လုပ်တာဆိုတော့ အက်စစ်အဆိပ်ဓာတ် တွေတို့၊ ဒိုင်းနမိုက်ခွဲတာတို့ ဆိုတော့ မြေတုန်တာတို့၊ အိမ်ပြိုတာတို့ ဖြစ်နိုင်တာပေါ့။ ဥပမာတစ်ခု – သူတို့ ကန်နဲ့လုပ်မယ်ဆိုရင်တောင်မှ အက်စစ်စက်ရုံထဲမှာ စွန့်ပစ်ရေတို့၊ ဘာတို့ထည့်တဲ့အခါကျ ချင်းတွင်းမြစ်ထဲ သွားမယ်ဆိုရင်လည်း ငါးတွေသေမှာပေါ့။ လူတင်မကဘူး။ ငါးတွေပါ ပျက်ကုန်မှာ။ ဒီဘက်ကလည်း အန့ံငွေ့နဲ့ဆိုတော့ ကလေးတွေပေါ့ဗျာ။ ကြီးတဲ့လူဆို ဒဏ်ခံနိုင်တယ်။ မွေးခါစကလေးတွေကျ ဒဏ်မခံနိုင်ဘူး။ အဲဒါကျ လပိုင်း၊ ရက်ပိုင်းနဲ့ ဖြစ်နိုင်တဲ့ အခြေအနေရှိတာပလေ။ ပြီးတော့ကျ သူတို့က လုပ်လာမယ်ဆို အရင်တုန်းကဆိုရင် မိုင်းမှာ ဒုက္ထာလို့လုပ်ကြတယ်လေနော်။ ပြွန်တွေနဲ့ စုပ်တဲ့အခါကျ မိန်းမတွေ တွေမှာနှော့။ တချို့ကျတော့လည်း ပါးစပ်နဲ့ စုပ်တဲ့အခါကျတော့…

အဲဒီနေ့က မှတ်မှတ်ရရ နှစ်ဆန်းသုံးရက်နေ့ကတော့်။ မနက်ဖြန်ဆို ကျုပ်တို့ရွာထဲမှာ အလှူရှိတယ်ဆိုတော့ ကျုပ်တို့လည်း ယာလုပ်ငန်းလေး ပြီးရင် စောစောပြန်မယ်ပေါ့လေ။ အဲဒီလိုနဲ့ နေထန်းတဖျားအချိန်လောက် ရှိမှာပေါ့။ ဟိုဘက်ယာထဲမှာ မြေတွေလာပုံနေတယ်လို့ သတင်း ကြားပါရောလား။ အပြေးသွားကြတာပေါ့။ အမယ်လေး။ ကျုပ်တို့မှ နောက်ကျနေသေးတယ်။ ဟိုကောင်မ တွေကရောက်တောင်နေပြီ။ ပုံလက်စမြေဘေးမှာ ကားတစ်စီးတွေ့တယ်။ ကားပေါ်မှာက တရုတ်သုံးယောက်။ ကားမောင်းတာက ဗမာတစ်ယောက်။ ကျုပ်တို့လည်း တားတာပေါ့တော်။ မရဘူးတော့်။ ဆက်ပုံတာပဲ။ ဒါနဲ့ကျုပ်တို့လည်း ကားကိုလည်း ဝိုင်းထားကြတာ။ဟုတ်တယ် ဟုတ်တယ်။ ကျုပ်တို့ မိန်းမတွေ တွေချည်းပဲ။ ကြောက်ပေါင်တော်။ တရုတ်တွေကလည်း ကျုပ်တို့ကြည့်၊ ကျုပ်တို့ကလည်း တရုတ်ကောင်တွေ ကြည့်နဲ့ပေါ့တော်။ ကျုပ်တို့ကလည်း မိန်းမတွေတွေသာဖြစ်သာ။ ဒေါင်နဲ့ သတ္တိက သိကြတဲ့အတိုင်း။ သွေးနည်းတာ မဟုတ်ဘူးရယ်။ ဘာလို့ ဒီလိုလုပ်ရတာလဲ။…

ယင်းမာပင်မြို့ရဲ့ ဒုတိယအကြိမ်မြောက် အာစရိယ ပူဇော်ပွဲ အခမ်းအနားကို (၂၃၊၂၄-၁၂-၂၀၁၂)မှ (၂၄၊၂၅-၁၂-၂၀၁၂)သို့ ပြောင်းလဲ လိုက်ကြောင်း သိရပါသည်။(၂၄-၁၂-၂၀၁၂) ညပိုင်းတွင် ကျောင်းသားဟောင်းများ မိတ်ဆုံစားပွဲကျင်းပမည်ဖြစ်ပြီး (၂၅-၁၂-၂၀၁၂ )နေ့ မနက်ပိုင်းတွင် ဆရာကန်တော့ပွဲအခမ်းအနား ကျင်းပမည် ဖြစ်ပါတယ်။ (၂၅-၁၂-၂၀၁၂) ညပိုင်းတွင် ဆရာကန်တော့ပွဲ အထိမ်းအမှတ်အဖြစ် စာပေဟောပြောပွဲ ကျင်းပသွားမည်ဖြစ်ပါကြောင်း သိရပါသည်။

မြန်မာတို့ရဲ့ဆေးပေါင်းခတဲ့ညလိုဘဲဆိုဆိုတန်ဆောင်တိုင်လပြည့်ညလေးမှာ ဆားလင်းကြီးမြို့နယ်၊လက်ပန်းတောင်းတောင်လေးမှာတော့ လရောင်ကွယ်သွားခဲ့ပါပြီ။ ကြေးနီးစီမံကိန်းတွင် သပိတ်စခန်းဖွင့်ကာ ငြိမ်းချမ်းစွာ ဆန္ဒပြနေကြသော ရဟန်းသံဃာတော်များ၊ ဒေသခံ ပြည်သူလူထုကို ရဲတပ်ဖွဲ့ ယူနီဖောင်းဝတ်ဆင်ထားသူများမှ ၂၈-၁၁-၂၀၁၂ နံနက်(၃)နာရီလောက်တွင် အင်အားသုံးဝင်ရောက်ဖြိုးခွင့်ခဲ့ ကြောင်း သိရပါသည်။ ထိုသို့ ဖြိုးခွင်းရာတွင် အပြင်းစားရေပိုက်များ၊ မီခိုးဗုံး၊ မျက်ရည်ယိုဗုံးများထပ်ဆင့် အသုံးပြုခဲ့ရာ မီးခိုးဗုံးတွင် ပါဝင်သေား ဖော့စဖိတ်ကြောင့် ပေါက်ကွဲ မီးလောင်မှု ဖြစ်ပြီး တဲစခန်းများ မီးလောင်ခြင်း၊ဆန္ဒပြရဟန်း သံဃာတော်များ နှင့် ဒေသခံများ မီလောင်စုတ်ပြဲ ဒဏ်ရာများရရှိခဲ့ကြောင်း သိရပါသည်။ ဒဏ်ရာရရှိသူများတွင် သံဃာတော်များ အများဆုံး ဖြစ်ကြောင်းလည်း သိရပါသည်။ ဆန္ဒပြမှုကို သဘောတူသည်ဖြစ်စေ၊ မတူသည်ဖြစ်စေ အခုလို အကြမ်းဖက်နှိမ်နှင်းမှုကို ကျွန်တော်တို့ Yinmarbin.Org မှ ယင်းမာပင် နယ်သားများအနေဖြင့် လုံးဝကန့်ကွက်ပါတယ်။ www.yinmarbin.org